Жүйені қабылдау науқанына дейін қанша уақытта іске қосуға болады?
Енгізу қабылдауыңыздың басталуына қарай жоспарланып, кезең-кезеңімен жүреді: форма мен процестерді баптау, интеграцияларды қосу, теххатшыларды оқыту. Кестені жүйе науқанның алғашқы күнінен бастап жұмыс істейтіндей етіп келісеміз. Орташа алғанда, енгізу мерзімі 3–7 жұмыс күнін алады.
Қабылдау комиссиясы қандай жүйелермен интеграцияланады?
ЖОО бұрыннан қолданатын мемлекеттік және есептік жүйелермен: ЖТ МДҚ және ҰТО (талапкер деректері мен ҰБТ нәтижелері), eGov, Platonus, 1С, SmartBridge. Деректер бастапқы дереккөзден тартылады — қолмен енгізу азырақ, шарттардағы қателер де азырақ.
Жүйеде қол қойылған құжаттардың заңдық мәртебесі қандай?
Өтініштер мен шарттарға электрондық цифрлық қолтаңбамен қол қойылады және олар толық заңдық күшке ие. Қол қойылған құжат жүйеде сақталады, екі тарапқа да қолжетімді және қағаз көшірмені қажет етпейді.
Деректер кімге тиесілі және қауіпсіздік қалай қамтамасыз етіледі?
Қабылдау науқанының деректері ЖОО-ның меншігінде қалады. Қолжетімділік рөлдер бойынша бөлінген: теххатшы, басшы және талапкер тек өз рөліне тиесіліні көреді. Құжаттармен барлық әрекеттер жүйеде тіркеледі.
Тарифтердің айырмашылығы неде?
Тек қабылдау көлемімен — 1 500-ге, 3 000-ға немесе 5 000 талапкерге дейін. Әр тарифте функционал толық: кезек, өтінімдер, форма, ЭЦҚ-шарттар, хабарламалар, аналитика. Сіз қысқартылған нұсқаға емес, ауқымға төлейсіз.
Демо кезеңге не кіреді?
Қабылдау комиссиясының толық функционалы 30 күн бойы тегін. Жүйені шешім қабылдағанға дейін нақты науқанда және өз процестеріңізде бағалайсыз.
